The myth of MULTITASKING

تم اقتباس كلمة تعدد المهام "Multitasking "من الحاسوبات والكمبيوترات، لكن حرفيًا ومن ناحية علم الأعصاب لا يستطيع الانسان العمل بالمصطلح بالرغم من ادراجه في عالم البيزنس كفلان الفلان متعدد المهام وشبح جدًا، لكن في الحقيقة اللى احنا بنعمله كبشر هو حاجة اسمها task
switching أو يعني تبديل أو تحويل المهمة.

ده بيكون عن طريق مرحلتين مرحلة "goal shifting" تحويل او تغيير الهدف واللي هو "انا عايز اعمل الحاجة دي دلوقتي حالًا بدل من الحاجة دي" ومرحلة "rule activation" واللى هو انت بتاخد فعل وبتقفل قواعد العمل الأول وبتركز على قواعد العمل التاني. انت بدون وعي انتقلت من عمل لعمل تحت مصطلح علميًا اسمه Task Switching، لكن كبشر احنا بنقول عليه Multitasking قال يعني انك بتعمل كذه مهمة في نفس الوقت، وانت تستحق تشتغل معانا في الشركة وبلا بلا بلا.


لو انت بتمشي مع صاحبك فالشارع وبتتكلم معاه وبتشرب قهوة، بالرغم من ان شرب القهوة والمشي ف الشارع بيحتاجوا تركير أقل من الكلام والنقاش لكن ده يعتبر بردو task switching مش multitasking، يعني انت مش رائع وبتعمل كذه مهمة في نفس الوقت. تعدد المهام المقصود بيه انك تقرأ وتعمل عمليات حسابية وتكتب مثلًا في نفس اللحظة وده مستحيل على البشر. حتى ال task switching بيتسبب في خسارات كبيرة في عالم البيزنس لانك بتنتقل من عمل للتاني في نفس الوقت فتركيزك بيقل وحسب دراسة مؤخرة انه كان سبب في خسارة تقدر ب 450 مليار دولار عالميًا، وده مبلغ كبير الحقيقة.


فانا عايزك لما تكون في انترفيو مثلا بلاش تذكر كلمة ال multitasking وحاول تستخددم المصطلح الأصح وهو Task switching، ولو هما سألوك عنه فانا شايف وبقترح انك تسيبهم وتمشي وتقولهم I'm not a machine بعزة نفس على اساس انك مش كمبيوتر بقى تعملهم تعدد المهام، انت خلاص بقيت كبير وعارف الفرق ما بين المصطلحين، وبعدين تجنبًا من أنك تكون جزء من ال 450 مليار دولار اللى بيخسرهم العالم ومتعرفش بيروحوا فين.